BRITANNICUS Oceanus

BRITANNICUS Oceanus

Gallis le Manche, extenditur a promontorio Gobae, in Britannia minore et Bolerio, seu Antivestaeo, in Angliam ad Fretum Gallicum, le Pas de Calats.

Dictus ab insul. Britannia, quam inter et Galliam Belgicam Lugdunensemque funditur, ac a Plimo inter ostia Rheni et os Sequanae ponitur. Melae ulterius ostiô Sequanae promovet, usque ad Osismios, l. 3. c. 6. Sonam in Bretannco mari Osismicis adversam littoribus esse scribens: quae insula, vulgo l'Isse de Sain, in ultima Britannia minore longe ultra Sequanae ostium posita, eminus Ligerts ostium prospicit. Ionas quoque de vita Columb. tradit, ad Nivernense opprdum venisse Columbanum, ut Ligeris scapha reciperetur, Britannicoque sinui redderetur. Ex quibus apparet, Oceanum hunc prope ad os Ligeris usque pertinuisse. Recentioribus Mare Anglicum dicitur, a Britannia Insul. dicta Angliâ, postquam maxima ex parte Angli eam occupâssent. Gallis Canalis, item idque saepius Manica la Manche vocitatur a figura: Est enim Oceanus Britannicus inter Gallias et Britanniam insul. Manicae modô longus, rectus et angustus: Respicitque hinc Britanniam insul. seu Angliam, inde Hollandiam, Zeelandiam, Flandriam, Picardiam, NOrtmanniam, ac Brittanniam minorem aut Cismarinam alluit. Ad eum siti sunt veterum Gallorum populi Batavi, Menapii, Morini, apud quos fretum Gallicum seu Morinorum dicitur: Ambiani, Caleti, et trans Sequanam Lexovii, Baiocasses, Constantienses, Abrincatui, Dolenses, Aletenses, ac Osismii. Partes eius Fretum Gallicum seu Morinûm, et mare Rotomagense, quô Sequana Rotomagum, Butilam la Boville, Gemeticum, Caldebeccum, Guellebotum Quillebeuf, Tancredi villam Tancarville, Rupemque Riselae Roque-de-Rille praeterlapsus, recipitur; Eiusdem portio, inter ostia Sequanae et Ligeris, Armoricus Oceanus dicta est, Ausonii aetate: cuius Ep. 13. hic versus est:

Sunt et Aremorici qui laudent ostrea Ponti.

In eum influunt Rhenus, Mosa, Scaldis, Agnio Quantia, Alreia, Sumina, Aucum, Eara, Deppa, Sequana, Diva, Olina, Viria, Seva et Senuna, Arduus, Rintius Rance, aliaque flumina: Ibi quoque insulae Walacria Walcheren, Vectis Wight 20. mill. pass. patens, Caesarea Gersey et Sarmia aut Sarma Garnsey, Ebodia Alderney, Arme, et cautes eminentes verius, quam insulae, Cascatae vel Cacatae numero circiter 12. vulgo Casquetes aut Quasquetes dictae. Vide Hadr. Vales. Notit. Gall. in voce Gallicus Oceanus.